आर्थिक सञ्जाल । आइतबार, ११ फागुन २०७६
काठमाडौं । स्याक्रेड हार्ट एकडेमीकी शिरुषा भुजुले अन्तर विद्यालय गर्ल्स ब्याडमिन्टन प्रतियोगिताको उपाधि जितेकी छिन् ।
कीर्तिपुरस्थित टीयू कभर्ड हलमा शनिबार भएको प्रतियोगिताको फाइनलमा विभूति माध्यमिक विद्यालयकी प्राश्ना श्रेष्ठलाई सोझो सेटमा पराजित गरि उपाधि जितेकी हुन् ।
पहिलो सेट ११–७ ले जितेकी शिरुषाले दोस्रो सेट ११–८ ले जित्दै उपाधि हात पारेकी हुन् ।
विभूतिकै पान्जोम लामा र प्रज्ञा सदन माध्यमिक विद्यालयकी सिमोन राईले तेस्रो स्थान हासिल गरे ।
त्रिभुवन विश्वविद्यालयको खेलकुद विज्ञानले आयोजना गरेको प्रतियोगितामा १६ प्रतिस्पर्धीहरुको सहभागिता रहेको थियो ।
एकदिने प्रतियोगिता नकआउट पद्धतिमा खेलाइएको थियो ।
