काठमाडौँ । मीनभवनस्थित नेपाल कमर्स क्याम्पसमा शनिबारका लागि तोकिएको स्वतन्त्र विद्यार्थी युनियन (स्ववियु)को निर्वाचन स्थगित भएको छ ।

निर्वाचन समितिले तोकेको तालिका अनुसार शनिबार बिहान विद्यार्थी मतदानका लागि लाइनमा समेत  बसिसकेका  थिए तर  विद्यार्थी सङ्गठनको आपसी विवादका कारण मतदान हुन नसकेको हो ।

निर्वाचन सम्पन्न गराउन असहज परिस्थिति उत्पन्न भएपछि निर्वाचन समिति, क्याम्पस प्रशासन र निर्वाचन आचारसंहिता अनुगमन समन्वय समितिको संयुक्त बैठकले अर्को सूचना नभएसम्म निर्वाचन स्थगित सूचना सार्वजनिक गरेको छ ।