आर्थिक सञ्जाल २०७७ जेठ १ गते बिहीबार

काठमाडौं । । नेपाल राष्ट्र बैंकले बैंकलाई सीमित शाखा कार्यालय मात्रै खोल्न निर्देशन दिएको छ । आइतबारदेखि सबै शाखा कार्यालय खोलेर सेवा दिन थालेकोमा बैंकका कारण पनि सडकमा भिडभाड बढेको गुनासो आएपछि राष्ट्र बैंकले सबै शाखा कार्यालयहरू नखोल्न बैंकहरुलाई निर्देशन दिएको हो ।

यससँगै अब बैंकका कर्मचारीहरूले परिचय पत्र वा बैंक को चिठी देखाएर आवत–जावत गर्न नपाउने भएका छन् । सीमित शाखाहरु खोल्न मात्र केही पास वितरण गरेको राष्ट्र बैंक ले २७ वाणिज्य बैंकहरुलाई २० वटाका दरले पास वितरण गरेको छ भने विकास बैंकहरुलाई १० वटाका दरले पास दिएको छ ।

यसै गरी फाइनान्स कम्पनीहरूलाई ८ वटा र लघुवित्त वित्तीय संस्थाहरूलाई प्रति संस्था ५ वटाका दरले पास वितरण गरिएको छ ।