आर्थिक सञ्जाल चैत्र २०, २०७६ बिहीबार

काठमाडौं ।  कोरोना भाईरस बिरुद्धको लडाईंमा अत्यन्तै सकृय रहँदै अहोरात्र वडाबासीको सेवामा समर्पित रहँदै आउनु भएका गोकर्णेश्वर नगरपालिका वडा नं. ५ का अध्यक्ष नारायण सुबेदी चैत्र १९ गते बुधबार बाछाबाछी संरक्षण स्थल आउनु भै रु. १० हजार ११० प्रदान गर्नुभएको छ ।

संकटको समयमा असहाय बाछाबाछीका लागि खाद्यान्न र औषधोपचारको ब्यवस्था गर्न उहाँले उक्त सहयोग प्रदान गर्नुभएको बताउनुभयो । सो अवसरमा वडा अध्यक्ष सुबेदीले असहाय बाछाबाछी संरक्षणमा कुनैपनि समय सहयोग आबश्यक परेमा आफू तैयार रहेको समेत जानकारी गराउनु भएको छ ।

बजारमा भुसा लगायत गाईबाछाका लागि दिनुपर्ने खाद्यान्नको अभाव भैरहँदा बिभिन्न क्षेत्रका ब्यक्तिहरु आफैं खाद्यान्न लिएर संरक्षण स्थल आईरहनु भएको छ ।

वडा अध्यक्ष नारायण सुबेदीलाई ब्यस्तताका माझ आफैं उपस्थित भएर सहयोग प्रदान गर्दै भावी दिनमा समेत साथ र सहयोगको प्रतिबद्धता ब्यक्त गर्नुभएकोमा बिशेष धन्यबाद दिन चाहन्छौं ।

स्मरण रहोस, संकट गहिरिंदै जाँदा सहयोगी हातहरु जुर्मुराई रहेका छन । असहाय र सडक लगायतका ठाउँहरुमा अलपत्र परेका, खान नपाएका बेसहारा बाछाबाछीलाई संरक्षण स्थलसम्म ल्याईदिनु हुन हार्दिक अनुरोध गर्दछौं । जीबन जोगाउँ, जगत बचाउँ ।