आर्थिक सञ्जाल चैत्र १५, २०७६ शनिबार

काठमाडौं । नेपालमा फेरि पाँचौं कोरोना भाइरस संक्रमित व्यक्ति वागलुङ जिल्लामा भेटिएकी छिन् ।

बेल्जियमबाट दुवई हुदै कतार एयरवेजबाट काठमाण्डौ आई वागलुङ गएकी अन्सु सापकोटा नाम गरेकी महिलाको रयाल परिक्षण गर्दा कोरोना भाइरसको संक्रमण पाइएको छ ।

यस अघि दुवईबाटआएका धनगढी उपमहानगरपालिका -६ हसनपुरका ३४ वर्षिय अमृत शाहीलाई परिछण गर्दा कोरोना भाइरसको संक्रमण भेटिएको थियो । उपचारमा रहेका ३४ वर्षका नेपाली पुरूष भएको स्वास्थ्य मन्त्रालयले पत्रकार सम्मेलन गरेर जानकारी दिएको थियो ।

दुबईबाट आएका उनी गत चैत ११ गते सेती प्रादेशिक अस्पतालमा भर्ना भएका थिए । राष्ट्रिय जनस्वास्थ्य प्रयोगशालामा शुक्रबार भएको परीक्षणमा कोरोना संक्रमण भएको पुष्टि भएको थियो ।

त्यस अघि फान्सबाट आएकी काठमाडौ मैतीदेवीकी प्रसिद्ध श्रेष्ठलाई कोरोना भाइरसको संक्रमण देखिएको थियो । शुरूमा चीनको वुहान सहरबाट आएका धनुषाका एक पुरुषमा कोरोना भाइरसको संक्रमण पाइएको थियो ।

त्यसपछि अन्य एक पुरुषलाई कोरोना भाइरसको संक्रमण देखिएको थियो । टेकु अस्पतालमा कोरोनाको उपचार गराइरहनेमा दुई जना आइसोलेसन वार्डमा , दुई जना स्वास्थ्य भै आराम गरिरहेको र सात जना क्वारेन्टाइनमा रहेको टेकु अस्पताल स्रोतले बताएको छ