citizens life insurance long ad
stcnepal long ad
Himalayan bank
national life

बिचौलियाकाे अन्य गरि किसानले उचित मूल्य पाउन अखिल नेपाल किसान यूनियनकाे माग

Prabhu Insurance Long Ad
himalayan Everest Insurance long ad
काठमाडौं । अखिल नेपाल किसान यूनियनले किसानले उचित मूल्य नपाउने र ठगिने, उपभोक्ताले बढी मूल्य तिर्नुपर्ने र बिचौलियाबाट किसान र उपभोक्ता सबै ठगिने निरन्तरको बिद्यमान स्थिति अन्त्य गर्न जोडदार माग गरेको छ ।
चाडबाडको मुखमा समेत खाना पकाउने ग्यासको दुई पटक मूल्य बृद्वि गरि प्रति सिलिण्डर रू.५० र रू. ७५ मूल्य बृद्वि गरिनु, पटक-पटक पेट्रोलियम पदार्थको मूल्य बढाइनु, खानेतेल, दाल , चामल सबैको मूल्य आकासिनुले किसान एवं गृहिणी सहित सम्पूर्ण किसान र उपभोक्ता चर्को मूल्यको मारमा पर्नु दुखत भएकाे जनाउदै किसानले आफ्नाे उत्पादनकाे उचित मूल्य नपाउनु विडम्बना भएकाे बताएकाे छ ।
नेपालका किसानले उचित मूल्य नपाउने, नेपाली गुणस्तरिय खाद्यान्न बिक्री नहुने,उता भारतीय उत्पादन बजारमा सहज हुने, उपभोक्ताले महंगाे मुल्यमा खरिद गर्नुपर्ने अवस्था नेपालका किसान र आम उपभोक्ताकाे नियति भएकाे छ।
यसमा कम्युनिस्ट,कांग्रेसका जुनसुकै सरकार आए पनि जनताको ढाड सेक्ने र उनीहरुको उपेक्षा गरेर रमिते भइबस्ने कार्य हुँदै आएको पाइन्छ ।
नेपाल राष्ट्र बैंकले हालै प्रकाशित गरेको पछिल्लो बिवरण अनुसार पनि बितेको तीन महिनामा घ्यू तथा तेलमा ३१.६८ प्रतिशत, माछा-मासुमा १२.९३ प्रतिशत, दाल र गेडागुडीमा १०.७१ प्रतिशतले मूल्य बृद्वि भएकाे देखाएकाे छ ।
किसान लगायत आम उपभोक्ताको ढाड नराम्ररी सेक्ने, स्थिर मूल्यको निमित्त आवश्यक उपाय नगर्ने,सम्पूर्ण बोझ किसान र आम उपभोक्ताको टाउकोमा थोपर्ने सरकारको रबैया र उदासीनताप्रति घोर आपत्ति र बिरोध जनाउदै अखिल नेपाल किसान यूनियनले सरकारसँग सार्बजनिक बितरण प्रणाली लागु गर्न, किसान र आम उपभोक्तालाई न्यायोचित मूल्यमा दैनिक उपभोगका खाद्या सामाग्री लगायतका आवश्यक सामाग्री उपलब्ध गराउन र मूल्य स्थिर राख्ने ठोस उपाय गर्न किसान यूनियनले पुनः जोडदार माग गरेको छ ।
साथै किसानले उब्जाएको प्रमुख अन्न बाली लगायतको न्यूननत न्यायोचित मूल्य तोक्न र खरिद गर्ने ठोस ब्यवस्था गर्न पनि यूनियनले बिशेष माग गरेकाे जनाएकाे छ ।
himalayan life insurance
igi long