stcnepal long ad
dftqc long ad
prabhu bank long ad

जेठ ३० गतेबाट मनसुन शुरू हुने

केही दिनभित्रै वर्षा बढ्ने संकेत

civilbank long ad

काठमाडौ । नेपालमा अब केही दिनमा पूर्वबाट मनसुन भित्रिने जल तथा मौसम विज्ञान विभागले जनाएको छ । बङ्गालको खाडीबाट मनसुन विकसित भइसकेको र त्यो नेपाल आउने क्रममा रहेको वरिष्ठ मौसमविद् वरुण पौडेलले जानकारी दिएका छन ।

उनले केही वर्षा बढ्न थालेको र आगामी हप्ताबाट भने ठाउँ(ठाउँमा भारी बर्षासमेत हुने जानकारी दिएका छन । जल तथा मौसम विज्ञान विभागले अहिले मनसुनको निगरानी गरिरहेको छ, एक–दुई दिनभित्रैमा मनसुन भित्रिएको घोषणा हुनेछ ।

वर्षा विस्तारै बढ्न थालेको छ, आगामी हप्ता ठाउँ(ठाउँँमा भारी वर्षा भएर बाढी पहिरोसमेत आउनसक्छ, सचेत हुन अनुरोध गरेको छ। पश्चिमी वायुको प्रभाव रहेकाले मनसुन राम्ररी फैलिसकेको छैन ।

मौसमविद् हाल देशमा पश्चिमी वायु, पूर्वीय वायु र स्थानीय वायुको मिश्रित प्रभाव कायम रहेको छ । त्यसले वाग्मती, गण्डकी, लुम्बिनी र प्रदेश नं १ का केही भेगमा वर्षा जारी छ । काठमाडौँ उपत्यकाका विभिन्न स्थानमा पनि वर्षा भएको छ ।

आज दिउसो काठमाडौ उपत्यकामा सामान्य वर्षा हुने र राति देशभर सामान्यदेखि पूर्ण बदली रहने छ । देशका धेरै स्थानमा मेघगर्ज/चट्याङ सहित हल्कादेखि मध्यम वर्षाको सम्भावना रहेको छ । शुक्रबार पनि देशभर सामान्यदेखि पूर्ण बदली रहने र धेरै स्थानमा मेघगर्जन/चट्याङ सहित मध्यमसम्मको वर्षाको हुनेछ ।

सामान्यरूपमा विगत १० वर्षयता जुन १० मा मनसुन भित्रिएर सेप्टेम्बर २३ मा बाहिरिन्थ्यो । यस वर्षदेखि मनसुन भित्रिने दिन जुन १३ अर्थात् आगामी जेठ ३० गते आइतबार हो । अक्टोबर २ मा बाहिरिने छ ।

सरदर वर्षाको आँकडा विष्लेषण गरेर मनसुनको मिति तय गरिने भए पनि कहिलेकार्हीँ केही दिन ढिला र केही दिन चाँडो पनि मनसुन भित्रिने हुनसक्छ ।

आज जेठ २७ गते २१४ वटा वर्षा मापन केन्द्र ९मानव सञ्चालित ८५ र स्वचालित १२९० मा मापन गरिएको गत २४ घण्टाको वर्षाको विवरणअनुसार १०८ केन्द्रमा वर्षा भएको छ । उक्त केन्द्रमध्ये सबैभन्दा बढी वर्षा डडेलधुरा केन्द्रमा ११२ मिलीमिटर भएको छ ।


२७ जेठ २०७८, बिहीवार १६:४१ बजे प्रकाशित

nawakantipur long
nabilbank long ad