भक्तपुर । नेपाल मजदुर किसान पार्टीका अध्यक्ष नारायणमान बिजुक्छेले कालापानी, लिम्पियाधुरा र लिपुलेक भारत भन्ने देश नै नहुँदादेखि नेपालको भएको दाबी गर्नुभएको छ ।

बिहीबार नेपाल भाषा साहित्य तः मुज्या सम्मेलनको अनलाइन छलफलमा बिजुक्छेले भारत भन्ने देश नभएकै बेला ती भूभागहरु नेपालको भएको बताउनु भएको हो ।

भारतका प्रधानमन्त्रीको नेपाल भ्रमण निकट भविष्यमा हुन सक्ने भन्दै बिजुक्छेले अहिलेदेखि नै सचेत हुनुपर्ने बताउनु भयो । बिजुक्छेले भारतीय विस्तारवाद नीतिको विरोध गर्नुपर्ने बताउनुभयो ।

कोरोना महामारी नियन्त्रणमा सरकार गम्भीर नरहेको आरोप लगाउँदै उहाँले यस्तै पाराले नेपालले ठूलो क्षति व्यहोर्नुपर्ने समेत औंल्याउनुभयो ।

अनलाइन सम्मेलनमा साहित्यकार, भाषाविद् लगायत विज्ञहरुको सहभागिता रहेको थियो ।