काठमाडौं, २५ माघ काठमाडौं महानगरपालिका जडिबुटी स्थित डिउटीमा खटिएको प्रहरीलाई नगद १ हजार ५ सय रुपैयाँ दिई आर्थिक प्रलोभनमा पार्न खोज्ने काभ्रे पनौती नगरपालिकाका मनोज बस्नेतलाई शुक्रबार राति प्रहरीले पक्राउ गरेको छ ।
महानगरीय प्रहरी प्रभाग कोटेश्वरबाट खटिएको प्रहरीले बस्नेतलाई नियन्त्रित लागूऔषध नाइट्राभेट ६० ट्याब्लेट सहित फेला पारी नियन्त्रणमा लिने क्रममा उनले प्रहरीलाई उक्त नगद दिन खोजेपछि नगद र उक्त ट्याब्लेटसहित उनलाई प्रहरीले पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।