समयमा नवीकरण नगर्ने यी २३ निर्माण कम्पनीको लाइसेन्स खारेज

काठमाडौं । सरकारले २३ वटा निर्माण कम्पनीको लाइसेन्स खारेज गरिदिएको छ ।
भौतिक पूर्वाधार तथा यातायात मन्त्रालयले बिहीबार एक सूचना जारी गर्दै समयमै इजाजत नवीकरण नगरेकोले २३ कम्पनीको लाइसेन्स खारेज भएको जनाएको छ ।
मन्त्रालयका अनुसार निर्माण व्यवसाय ऐन, २०५५ को दफा ५ को उपदफा ५ बमोजिम अनुसार इजाजतपत्र लिएका निर्माण व्यवसायीले आर्थिक वर्ष २०८०/८१ का लागि २०८० चैत मसान्तसम्म नवीकरण गर्नुपर्दथ्यो ।
तर, ती कम्पनीहरुले सो समयभित्र नवीकरण नगरेकोले स्वतः उनीहरुको लाइसेन्स खारेज भएको मन्त्रालयले जनाएको छ ।