citizens life insurance long ad
stcnepal long ad
Himalayan bank
national life

वार्षिक २० प्रतिशतका दरले रोजगारी सिर्जना गर्ने चेम्बरको कार्य योजना

Prabhu Insurance Long Ad
himalayan Everest Insurance long ad

काठमाडौं । नेपाल चेम्बर अफ कमर्सले वार्षिक २० प्रतिशतका दरले रोजगारी सिर्जना गर्ने तीन वर्षीय रणनीतिक कार्य योजना सार्वजनिक गरेको छ ।

आइतबार चेम्बर अफ कमर्सले पत्रकार सम्मेलन गर्दै तीन वर्षीय रणनीतिक कार्य योजना सार्वजनिक गरेको हो ।

चेम्बरले आर्थिक शिथिलताको अविलम्ब अन्त्य, नीतिगत स्थायित्व र निजी क्षेत्रलाई नीतिगत संरक्षण आदि विषयमा राज्यको पहिलो प्राथमिकता हुनुपर्ने बताएको छ ।

चेम्बर निजी क्षेत्रको सबैभन्दा पुरानो र नेतृत्वदायी भूमिकामा रहेको भन्दै आगामी ३ वर्ष कार्य योजना बनाएको अध्यक्ष कमलेशकुमार अग्रवालले बताए ।

श्रम बजारमा ५ लाख युवा प्रवेश गर्ने भएकाले वार्षिक २० प्रतिशतका दरले थप रोजगारी सिर्जना गर्न पहल गर्ने उनको भनाइ छ । उनले दिगो आर्थिक विकासका लागि स्थिर सरकार र नीतिगत स्थायित्वमा जोड दिने चेम्बरको कार्य योजना रहेको बताए ।

अध्यक्ष अग्रवालले आगामी ३ वर्षमा मुलुकको कुल गार्हस्थ्य उत्पादनलाई ५६ खर्ब ५ अर्बबाट ७५ खर्ब पुर्‍याउने गरी औसतमा वार्षिक ७ प्रतिशत आर्थिक वृद्धि हासिल गर्न समन्वयात्मक भूमिका निर्वाह गरिने बताए ।

कुल गार्हस्थ्य उत्पादनमा थोक तथा खुद्रा व्यापारको १४ प्रतिशतको योगदानलाई वृद्धि गरिने अग्रवालको दाबी छ ।

आर्थिक वर्ष २०८०/०८१मा मुलुकको प्रतिव्यक्ति आय १४ सय ५६ अमेरिकी डलर पुग्ने अनुमानका आधारमा आगामी ३ वर्षमा प्रतिव्यक्ति आय कम्तीमा २ हजार डलर पुर्‍याउने कार्य योजनाका लागि पहल गरिने अध्यक्ष अग्रवालको भनाई छ ।

उनले पूर्वाधारका योजनालाई पाइलट प्रोजेक्टका रूपमा विकास गरी विदेशी लगानीको आकर्षणका लागि पहल गरिने बताए ।

 

himalayan life insurance
igi long