काठमाडौं । नेपाल अर्वुद रोग निवारण संस्था, काठमाडौं शाखाको सभापतिमा श्री कृष्ण महर्जन चयन भएका छन् । शनिबार सम्पन्न ३१औँ साधारण सभाले सभापतिसहित सम्पूर्ण पदाधिकारी तथा सदस्य सर्वसम्मत चयन गरेको हो ।

संस्थाको उपसभापतिमा वरिष्ठ फोटोपत्रकार तथा नेपाल पत्रकार महासंघका सदस्य समेत रहेका हरि गोपाल प्रधान र डा. विमला शाक्य चयन भएका छन् ।  सचिवमा दिव्यलक्षी बज्राचार्य र सह–सचिवमा हेमा मानन्धर चयन भएका छन् भने कोषाध्यक्षमा किरण महर्जन तथा सह–कोषाध्यक्षमा नवराज श्रेष्ठ चयन भएका छन् ।

सदस्यहरुमा फूपु तेन्जिङ शेर्पा, माणिकरत्न शाक्य, जुना कुमारी श्रेष्ठ, निर्णय श्रेष्ठ, विरेन्द्रलाल श्रेष्ठ, डा. अरुण शाही र दिपेश कुमार चयन भएका छन् । संस्थाको विधान अनुसार दुई सदस्य रमेश महर्जन र सुरेश सापकोटालाई मनोनीत गरिएको छ ।

संस्थाको सल्लाहकारमा भगतकृष्ण श्रेष्ठ, प्रेस चौतारी नेपालका केन्द्रिय सदस्य तथा आर्थिक सञ्जाल डटकमका प्रधान सम्पादक नीरज रञ्जित, मोहनलाल श्रेष्ठ, र प्रकाश काजी शाक्य सर्वसम्मत चयन भएका छन् ।