citizens life insurance long ad
stcnepal long ad
Himalayan bank
national life

भ्याट छली गर्नेलाई सरकारले नछाड्ने अर्थमन्त्री डा. महतको दाबी

Prabhu Insurance Long Ad
nawakantipur long
broadway employment long

काठमाडौँ । अर्थमन्त्री डा. प्रकाशशरण महतले भ्याट छली गर्नेलाई सरकारले नछाड्ने बताएका छन् । उनले भ्याट छल्ने अवस्था आउनै नदिने गरी काम गर्ने दाबी गरेका हुन् ।

बागलुङस्थित आन्तरिक राजश्व कार्यालयको अनुगमन गर्न पुगेका मन्त्री महतले जनताले तिरेको भ्याट छलेर खानेलाई जुनसुकै हालतमा कारबाही गर्ने जनाएका हुन् । लक्ष्यभन्दा राजश्व संकलन भइरहेको कार्यालयको तथ्यांक बुझे पनि उनले उक्त धारणा राखेका हुन् ।

जानाजान कर नतिरेका, भ्याट छलेका घटनाले लक्ष्य पुग्न कठिन भएको उनको भनाइ थियो । ‘भ्याट भनेको जनताले मूल्यमै तिरिसकेको राजश्व हो, त्यो हिनामिना गर्ने अधिकार कसैलाई छैन,’ उनले भने, ‘त्यस्तो अपराध गर्ने र गराउन सहयोग गर्नेलाई कडा कारबाही हुन्छ ।’ उनले लक्ष्यअनुसार राजश्व संकलनमा भ्याट छली गर्ने प्रवृत्ति हाबी हुन नदिने समेत बताए ।

उनले लक्ष्यबढी कर संकलन गरेर राज्यको आयस्रोत बढाउने र विकासका योजनामा लगानी गर्ने बताए । उनले पर्यटन प्रवर्द्धन, कृषि उपज उत्पादन जस्ता क्षेत्रमा लगानी गरेर दिगो श्रोतको सुनिश्चित गरिने बताए । बैंकको ब्याजदर घटेकोले ऋण प्रवाह, ब्याज आम्दानी तथा उत्पादन बढ्ने उनले बताए ।

himalayan life insurance
igi long