काठमाडौं । आरएसडिसी लघुवित्त वित्तीय संस्था लिमिटेडले साधारण सभा बोलाएको छ ।
साधारण सभाले चुक्ता पुँजीको ९.५० प्रतिशत बोनस शेयर र ०.५० प्रतिशत नगद लाभांश (करसहित) पारित गर्नेछ ।

साथै साधारण सभाले गत आर्थिक वर्षको वार्षिक र लेखापरीक्षण प्रतिवेदन लगायत अन्य वित्तीय विवरण छलफल गरी पारित गर्ने, चालू आर्थिक वर्षका लागि लेखापरीक्षक नियुक्ति गरी निजको पारिश्रमिक निर्धारण गर्ने, सञ्चालकको नियुक्ति र ३ जना सञ्चालकको निर्वाचन गर्नेछ ।

संस्थाको अधिकृत, जारी र चुक्ता पुँजी बढाउने र सोही बमोजिम प्रबन्धपत्र र नियमावलीमा संशोधन र अन्य लघुवित्तसँग मर्जर सम्बन्धी कार्य गर्न सञ्चालक समितिलाई अख्तियारी दिने प्रस्ताव पनि साधारण सभाले पारित गर्नेछ ।

लाभांश तथा साधारण सभा प्रयोजनार्थ कम्पनीले पुस ११ गते बुक क्लोज गर्दै छ । अतः पुस ९ गतेसम्म कायम शेयरधनी मात्रै  साधारण सभामा भाग लिन र लाभांश प्राप्त गर्न सक्नेछन् ।

लघुवित्तको ११औं वार्षिक साधारण सभा वेष्टर्ज एशियन होटल, बुटवल रुपन्देहीमा बिहान साढे ९ बजेदेखि शुरु हुनेछ ।