काठमाडौं । स्वरोजगार लघुवित्त वित्तीय संस्था लिमिटेडको शेयर मूल्य समायोजन भएको छ। लघुवित्तले साधारण सभा तथा लाभांश वितरण प्रयोजनका लागि फागुन १३ गते आइतबार बुकक्लोज गर्दैछ।

यस अनुसार हिजो अर्थात फागुन १० गते बिहीबारसम्म नेप्सेमा कारोबार भइ कायम शेयरधनीहरुले लघुवित्तको साधारण सभामा सहभागिता जनाउन तथा लघुवित्तले वितरण गर्ने लाभांश प्राप्त गर्न सक्नेछन्।

नेप्सेले यस दिन लघुवित्तको ७ प्रतिशत बोनश शेयर पछिको मुल्य समायोजन गरेको हो। समायोजनपश्चात लघुवित्तको शेयरमूल्य ५९१ रुपैयाँ ६८ पैसा कायम भएको छ।

नेप्सेले अघिल्लो कारोबार दिनको अन्तिम मूल्य ६३३ रुपैयाँ १० पैसाको आधारमा मुल्य समायोजन गरेको हो । यही मुल्यको आधारमा कम्पनीको आइतबार कारोबार खुल्नेछ ।