हिमालयन लघुवित्तले पुस २५ गते वार्षिक साधारण सभा
लगानीकर्तालाई छैन लाभांश
Aarthik Sanjal
828
shares
काठमाडौं । हिमालयन लघुवित्तले पुस २५ गते वार्षिक साधारण सभा बोलाएको छ । यस पटक लाभांश वितरण सम्बन्धी एजेन्डा छैन ।
कम्पनीले गत आर्थिक वर्षको नाफाबाट लाभांश वितरण नगरी सञ्चितिमा राख्ने निर्णय गरेको छ । सोही कारण यसपटक कम्पनीका सेयरधनीको हात खाली हुने भएको छ ।
साधारण सभाले सर्वसाधरण सेयरधनीको तर्फबाट १ जना सञ्चालक पनि नियुक्ति गर्नेछ । आर्थिक वर्ष २०७९/८० को वासलात, नाफा–नोक्सान र नगद प्रवाहमाथि छलफल हुनेछ ।
आर्थिक वर्ष २०८०–८१ का लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि राखिएको छ । सभा प्रयोजनार्थ कम्पनीले पुस १६ गते बुक क्लोज गर्दैछ ।
साधारण सभा बोगनभिल्ला इभेन्ट्स त्रिपुरेश्वर काठमाडौंमा बिहान ११ बजेदेखि सुरु हुनेछ ।
