नेसनल लघुवित्त नाफासँगै प्रतिसेयर आम्दानी पनि घट्यो
काठमाडौं । चालु आर्थिक वर्षको पहिलो त्रैमाससम्म आइपुग्दा नेसनल लघुवित्तको खुद नाफासँगै प्रतिसेयर आम्दानी पनि घटेको छ । यसअवधिमा खुद नाफा ४६.२१% ले घटेर ५ करोड ५० लाख ६३ हजार रुपैयाँमा सीमित भएको छ ।
अघिल्लो वर्षको यसैअवधिमा यसले १० करोड २३ लाख ६२ हजार रुपैयाँ खुद नाफा कमाएको थियो । एक वर्षको अवधिमा खुद ब्याज आम्दानी र सञ्चालन नाफा घटेको छ भने खराब कर्जा बढेको छ । यसले पनि नाफा प्रभावित बनाएको हो ।
खुद ब्याज आम्दानी ६.२१% ले घटेर १४ करोड ९१ लाख १ हजार रुपैयाँमा सीमित भएको छ । अघिल्लो वर्षको यसैअवधिमा यसले १५ करोड ८९ लाख ६५ हजार रुपैयाँ खुद नाफा कमाएको थियो ।
सञ्चालन नाफा पनि ४६.२१५ ले घटेर ७ करोड ८६ लाख ६२ हजार रुपैयाँमा सीमित भएको छ । खराब कर्जा १.२२% ले बढेर ४.१७% पुगेको छ ।यअवधिमा नाफासँगै प्रतिसेयर आम्दानी पनि ह्वातै घटेको छ ।
प्रतिसेयर आम्दानी ४८ रुपैयाँ १७ पैसाले घटेर २० रुपैयाँ ३१ पैसामा आएको छ । प्रतिसेयर नेटवर्थ २०८ रुपैैयाँ ९७ पैसा छ । असोज मसान्तसम्म आइपुग्दा चुक्ता पुँजी १ अर्ब ८ करोड ४२ लाख ६ हजार रुपैयाँ छ ।
२४ कात्तिक २०८०, शुक्रवार ०७:५१ बजे प्रकाशित
