काठमाडौं । ह्वावेले आफ्नो फोल्डेबल स्मार्टफोन ह्वावे मेट एक्स ६ (HUAWEI Mate X6) विश्व बजारमा ल्याएको छ।

कम्पनीले यो फोनलाई यूएईमार्फत विश्व बजारमा लन्च गरेको हो। मेट एक्स ६मा ७.९३ इन्च (२४४०×२२४० पिक्सेल) फोल्ड गर्न मिल्ने लचिलो ओएलईडी डिस्प्ले भित्र रहेको छ। यो १२० हर्जको रिफ्रेस रेटका साथ एलटीपीओ प्यानल हो। बाह्य डिस्प्ले ६.४५ इन्च छ। फोनमा २५०० निट्स सम्मको पीक ब्राइटनेस छ।

ह्वावेको यो फोनमा १२ जीबी र्याम र ५१२ जीबीको आन्तरिक भण्डारण छ। यसमा ५११० एमएएच ब्याट्री र ६६ वाट फास्ट चार्जिङ छ।

ह्वावे मेट एक्स ६ को वैश्विक मूल्य

ह्वावे मेट एक्स ६को मूल्य एईडी ७१९९ (लगभग रु २ लाख ६६ हजार) छ। कम्पनीले फोनलाई नेबुला रेड, ब्ल्याक, नेबुला ग्रे जस्ता शेडमा ल्याएको छ। यो यूएईमा ह्वावेको अनलाइन प्लेटफर्मबाट पूर्व(अर्डर गर्न सकिन्छ।

ह्वावे मेट एक्स ६ मा दोस्रो जेनेरेसनको कुनलुन ग्लासको सुरक्षा छ। यसले यसको बाह्य डिस्प्लेलाई सुरक्षा प्रदान गर्दछ। यसको भित्री भागमा कम्पनीले कार्बन फाइबर प्लेटको सुरक्षा दिएको छ।

फोन एन्ड्रोइड एओएसपीमा आधारित ईएमयूआई १५.० मा चल्छ। कम्पनीले ग्लोबल मोडेलमा फाइभजी सपोर्ट प्रदान गरेको छैन।

क्यामराको बारेमा कुरा गर्दा, यसमा ५० मेगापिक्सेलको भेरिएबल एपर्चर लेन्स छ, साथमा ४० एमपी अल्ट्रावाइड ए‌गल लेन्स छ। तेस्रो क्यामरा ४८ एमपी ४ एक्स पेरिस्कोप टेलिफोटो लेन्स हो।

फोनमा १०० एक्स डिजिटल जुम सुविधा पनि छ। यसमा १.५ एमपी स्पेक्ट्रल च्यानल अल्ट्रा क्रोमा क्यामरा पनि छ। भित्र, यो ८ मेगापिक्सेलको सेल्फी क्यामराका साथ सुसज्जित छ। फोनमा साइड माउन्टेड फिंगरप्रिन्ट स्क्यानर छ। यो आईपीएक्स ८ रेटिंगका साथ आउँछ।