काठमाडौं । अब बैंकमा खाता खोल्न कार्यालय नै धाउनुपर्ने बाध्यता हटेको छ। ग्लोबल आइएमई बैंकले युवा लक्षित ‘ग्लोबल नेक्स्ट जेन अकाउन्ट’ सञ्चालनमा ल्याउँदै घरबाटै डिजिटल रूपमा खाता खोल्ने सुविधा ल्याएको हो ।

राष्ट्रिय परिचयपत्र (नेशनल आईडी) वा राहदानी (पासपोर्ट) भएका व्यक्तिहरुले बैंकमा उपस्थित नभई अनलाइनमार्फत खाता खोल्न सक्नेछन्।

आवेदन दिएलगत्तै खाता सञ्चालनमा आउनेछ भने घरबाटै मोबाइल बैंकिङ सेवा पनि सञ्चालन गर्न सकिनेछ ।

जिरो ब्यालेन्समा खोल्न सकिने यस खातामा आकर्षक ब्याजदरका साथै पहिलो वर्ष मोबाईल बैंकिङ पूर्ण रूपमा निःशुल्क गरिएको छ।

डिजिटल बैंकिङलाई सहज, छिटो र झन्झटमुक्त बनाउने उद्देश्यले यो सेवा विशेषगरी युवा पुस्तालाई लक्षित गरी ल्याइएको बैंकले जानकारी दिएको छ ।