citizens life insurance long ad
stcnepal long ad
Himalayan bank
national life

सिंगटी हाइड्रोले आइपीओ ल्याउने

Prabhu Insurance Long Ad
himalayan Everest Insurance long ad

आर्थिक सञ्जाल । शुक्रबार, ९ फागुन २०७६
काठमाडौं । सिंगटी हाइड्रो इनर्जीले १०औं वार्षिक साधारण सभा फागुन ३० गते बोलाएको छ । सभा कुण्डलीनी दरबार व्यांकेट,  काठमाडौंमा बिहान ११ बजेबाट सुरु हुनेछ । सभामा कम्पनीको प्रबन्धपत्र र नियमावलीको व्यवस्था बमोजिम स्थानीय तथा सर्वसाधारणका लागि आइपीओ निष्कासन गर्ने मुख्य एजेन्डा छ । त्यस्तै, कम्पनीको प्रबन्धपत्र र नियमावलीमा संशोधन गर्ने एजेन्डा पनि छ । आर्थिक वर्ष २०७५/७६ को वासलात, नाफा–नोक्सान र नगद प्रवाहमाथि छलफल हुनेछ ।

आर्थिक वर्ष २०७६/७७ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि राखिएको छ । सिंगटीले ४३ करोड ५० लाख रुपैयाँ बराबरको आइपीओ बिक्री गर्न धितोपत्र बोर्डसँग अनुमति मागिसकेको छ । कम्पनीले ४३ लाख ५० हजार कित्ता आइपीओ ल्याउन लागेको हो । सिंगटीको आइपीओमा मेगा क्यापिटल मार्केट्सले बिक्री प्रबन्धकको काम गर्नेछ ।

केयर रेटिङ नेपालले सिंगटीको आइपीओलाई औसत भन्दा कम अवस्था जनाउने ग्रेड ४ रेटिङ दिएको छ । यस हाइड्रोपावर आयोजनाको कुल लागत ४ अर्ब ७५ करोड २ लाख रुपैयाँ रहेको छ । प्रतिमेगावट लागत भने १९ करोड रुपैयाँ छ ।

हाल यस हाइड्रोले २५ मेगावटको आयोजना दोलखा जिल्लामा निर्माण गरिरहेको छ । आइपीओपछि कम्पनीमा पुँजीको संस्थापक र सर्वसाधारणको पुँजी संरचना ७०.३० हुनेछ । सिंगटी हाइड्रो इनर्जी लिमिटेड २०१० मा स्थापना भएको कम्पनी हो ।

himalayan life insurance
igi long