काठमाडौं । मौलाकाली केबलकार लिमिटेडले आइपीओ निष्काशन गर्ने प्रस्ताव सहित आगामी पुस २७ गते शुक्रबार सातौं वार्षिक साधारण सभामा गर्ने भएको छ ।

साधारण सभा कम्पनीको रजिष्टर्ड कार्यालय गैंडाकोट, नवलपरासीमा विहान ९ बजेदेखि सुरु हुनेछ । कम्पनीको पुस ४ गते बसेको संचालक समितिको बैठकले उक्त सभाको मिति तय गरेको हो ।

साधारण सभाले गत आर्थिक वर्ष २०७९/०८० को वासलात, नाफा नोक्सान हिसाव, नगद प्रवाह विवरणसहितको लेखापरीक्षकको प्रतिवेदनमा छलफल गरि पारित गर्नेछ ।

त्यसैगरी, सोही सभाले नगद लाभांश वितरण गर्ने प्रस्ताव पनि पारित गर्नेछ । सञ्चालक समिति चयन तथा लेखापरीक्षक नियुक्ति गर्ने लगायतका प्रस्ताव पारित गर्ने जनाएको छ ।