असार १५ गते सानिमा जनरल इन्स्योरेन्सले विशेष साधारण सभा बोलायो
काठमाडौं । सानिमा जनरल इन्स्योरेन्सले असार १५ गते विशेष साधारण सभा बोलाएको छ । इन्स्योरेन्स कम्पनीको विशेष साधारण सभा धुम्र बराह पार्टी प्यालेस एण्ड रेष्टुरेन्ट, धुम्वाराही, काठमाडौंमा बिहान १० बजेदेखि सुरु हुनेछ । यसको जेठ २९ गतेको सञ्चालक समितिको बैठकले विशेष सभा गर्ने निर्णय गरेको हो ।
बिमा कम्पनीहरुमा पुँजी वृद्धिको चटाहरो चलिरहँदा सानिमा जनरल इन्स्योरेन्सले पनि मर्जर तथा प्राप्ति प्रक्रियामा जाने संकेत गर्दै विशेष साधारण सभा आह्वान गरेको हो । इन्स्योरेन्स कम्पनीले मर्जर तथा प्राप्ति सम्बन्धी विशेष प्रस्ताव पारितकै लागि विशेष साधारण सभा बोलाएको छ ।
विशेष साधारण सभाले आगामी दिनमा मर्जर तथा प्राप्ति प्रकृयामा जाने भएमा सो को जिम्मेवारी सञ्चालक समितिलाई दिने निर्णय समेत गर्नेछ ।
सभा प्रयोजनका लागि कम्पनीले असार ८ गते बुक क्लोज गर्ने भएको छ । जस अनुसार असार ७ गतेसम्म कायम सेयरधनीले विशेष साधारण सभामा भाग लिन सक्नेछन् ।