आर्थिक सञ्जाल सोमबार, ३ चैत्र २०७६

काठमाडौं ।  नेपाल इन्स्योरेन्सको लाभांश सुरक्षित गर्ने आज सोमबार (चैत ३ गते) अन्तिम दिन हो । नेपाल इन्स्योरेन्सले साधारण सभा प्रयोजनको लागि चैत ४ गतेबाट २१ गतेसम्म बुक क्लोज गर्दैछ । तसर्थ, चैत ३ गतेसम्म कायम सेयरधनीले कम्पनीले प्रस्ताव गरेको ७.८९% लाभांश पाउने छन् । इन्स्योरेन्सले गत वर्षको नाफाबाट ५% बोनस सेयर र कर प्रयोजन सहित २.८९% नगद लाभांश वितरण गर्ने प्रस्ताव गरेको छ ।

इन्स्योरेन्सले चैत २१ गते ७१ औं वार्षिक साधारण सभा डाकेको छ । सभामा कम्पनीले लगानीकर्तालाई ७.८९% वितरण गर्ने प्रस्ताव पेश गर्दैछ । साधारण सभा एयरपोर्ट होटल सिनामंगल काठमाडौंमा बिहान ११ बजे सुरु हुनेछ ।