काठमाडौं ।  नेपाल लाइफ इन्स्योरेन्स कम्पनीको अब बीमा शुल्क भुक्तानी इसेवा मार्फत गर्दा आकर्षक क्यास ब्याक सहित आइफोन १२ जित्न सकिने भएको छ । इसेवाले अनलाइन मार्फत बीमा शुल्क बुझाउन प्रोत्साहन गर्न यो योजना ल्याएको हो ।

कम्पनीका बीमितहरूले इसेवा मार्फत बीमा शुल्क भुक्तानी गर्दा बीमा शुल्कको ०.३५ प्रतिशत देखि १ हजार सम्मको क्यास ब्याक पाउने छन् भने हरेक महिना आइफोन १२ जित्न सकिने कम्पनीले बताएको छ ।

यस योजना आगामी कार्तिक मसान्तसम्म सञ्चालन हुनेछ । आफ्नो बीमा शुल्क भुक्तानी गर्नुपर्ने मितिको एक हप्ता भित्र शुल्क भुक्तानी गर्नु पर्नेछ ।

हाल इसेवामा प्रत्यक्ष रूपमा खाता खोल्नेको संख्या ४५ लाख बढि रहेको छ । यसैगरी अप्रत्यक्ष रूपमा करिब एक करोड ६० लाख जनसंख्याले इसेवा मार्फत सेवा लिइरहेको कम्पनीले जनाएको छ ।

इसेवाबाट इन्स्योरेन्स कम्पनीको बीमा शुल्क भुक्तानी, शेयर कारोबारको भुक्तानी, मोबाईल, टेलिफोन, इन्टरनेट, बिजुली तथा खानेपानीको महशुल भुक्तानी, रिचार्ज, हवाइजहाज र बसको टिकट, स्कुल कलेज शुल्क भुक्तानी गर्न सकिने छ ।