काठमाडौं । नेपाल स्टक एक्सचेन्ज (नेप्से) मा प्रभु महालक्ष्मी लाइफ इन्स्योरेन्स र एसियन लाइफ इन्स्योरेन्सको सेयर मूल्य समायोजन भएको छ ।

प्रभु महालक्ष्मीको ८ प्रतिशत बोनस सेयरमा मूल्य समायोजन भएको हो । समायोजन पश्चात यसको सेयर भाउ ५१२.५८ रुपैयाँ कायम भएको छ । बुधबारको अन्तिम कारोबार मूल्य ५५३.५९ रुपैयाँलाई आधार मानेर भाउ समायोजन गरिएको हो ।

यता, एसियन लाइफको भने ४२ प्रतिशत हकप्रद सेयरमा मूल्य समायोजन गरिएको छ । समायोजन पश्चात यसको भाउ ५२०.०३ रुपैयाँ कायम भएको छ ।

बुधबारको अन्तिम कारोबार मूल्य ६९६.४४ रुपैयाँलाई आधार मानेर भाउ समायोजन गरिएको हो । कम्पनीहरुको समायोजित भाउलाई आधार मानेर कारोबार सुरु हुनेछ ।