काठमाडौं । आइएमई लाइफ इन्स्योरेन्सले चालु आर्थिक वर्षको पहिलो त्रैमाससम्म एनएफआरएस विधिबाट वित्तीय विवरण सार्वजनिक गरेको छ ।

यो त्रैमासमा कम्पनीले १३ करोड ३ लाख रुपैयाँ नाफा कमाएको छ । यो गत वर्षको यसै अवधिको तुलनामा ७६.२१ प्रतिशतले धेरै हो ।

गत वर्ष यसले ७ करोड ३९ लाख रुपैयाँ नाफा आर्जन गरेको थियो । कम्पनीको लगानी तथा कर्जाबाट हुने आम्दानीमा आकर्षक सुधार आउँदा नाफामा बढोत्तरी आएको हो ।

कम्पनीले लगानी तथा कर्जाबाट असोजसम्ममा ३१ करोड ७४ लाख रुपैयाँ आम्दानी गरेको छ । यो गत वर्षको भन्दा १००.२३ प्रतिशतले धेरै हो ।

गत वर्ष यसले १५ करोड ८५ लाख आम्दानी गरेको थियो । यसको कुल दावी भुक्तानी पनि १२०.१६ प्रतिशतले बढेर ६२ करोड १४ लाख रुपैयाँ कायम भएको छ ।

गत वर्ष यसले २८ करोड २२ लाख रुपैयाँ कुल दावी भुक्तानी गरेको थियो । असोजसम्म यसले १ अर्ब ३ करोड रुपैयाँ बराबरको खुद बिमा शुल्क आर्जन गरेको छ । यो गत वर्षको भन्दा २३.३२ प्रतिशतले कम हो ।

गत वर्ष यसले ८४ करोड ३१ लाख रुपैयाँ बराबरको बिमा शुल्क आर्जन गरेको थियो । हाल यस इन्सुरेन्सको चुक्ता पुँजी ४ अर्ब रुपैयाँ रहेको छ भने यसको रिटेन्ड अर्निङमा ६६ करोड रुपैयाँ छ ।

यसको प्रतिसेयर आम्दानी भने ८ रुपैयाँ १ पैसाले घटेर १३ रुपैयाँ ० ४ पैसा कायम भएको छ । गत वर्ष प्रतिसेयर आम्दानी २१ रुपैयाँ १४ पैसा रहेको थियो । यसको प्रतिसेयर नेटवर्थ भने १७१ रुपैयाँ ९९ पैसा रहेको छ ।

२४ कात्तिक २०८०, शुक्रवार १३:३८ बजे प्रकाशित