काठमाडौं । १६ लाख ३६ हजार ३७० कित्ता आइपीओ बिक्री गर्न मान्डु हाइड्रोपावरले धितोपत्र बोर्डसँग अनुमति मागेको छ ।

कम्पनीले आयोजना प्रभावित स्थानीय र सर्वसाधारणलाई गरी अंकित मूल्य १०० रुपैयाँमा १४८ रुपैयाँ प्रिमियम जोडेर प्रतिकित्ता २४८ रुपैयाँमा आइपीओ बिक्री अनुमति मागेको हो । यसमा बिक्री प्रबन्धकको काम प्रभु क्यापिटलले गर्नेछ ।

अब बोर्डले अनुमति दिएपछि कम्पनीले आइपीओ निष्काशन गर्ने छ । मान्डु हाइड्रोपावरले हाल मकवानपुर जिल्लाको कोगटे स्थित इपामा २२ मेगावाट क्षमताको बागमती नदी जलविद्युत आयोजनाको निर्माण गरी सञ्चालन गरिरहेको छ । यो आयोजनाले २०७५ देखि विद्युत उत्पादन शुरु गरेको हो ।

२ चैत २०७९, बिहीवार १४:०६ बजे प्रकाशित