काठमाडौँ । विन्ध्यवासीनी हाईड्रोपावर डेभलपमेन्ट कम्पनी लिमिटेडले कार्तिक १६ गते विशेष साधारण सभा आह्वान गरेको छ । कम्पनीले भर्चुअल माध्यमबाट सभा गर्न लागेको जनाएको छ ।

उक्त सभा कम्पनीको कार्यालय, नयाँ बानेश्वर, काठमाडौँमा दिनको २ बजेबाट अनलाइनको माध्यमबाट सुरू हुने जनाएको छ ।

त्यसैगरी, विशेष साधारण सभाले सभामा सञ्चालक हुनको निमित्त लिनुपर्ने शेयर संख्या एक हजारबाट घटाएर एक सय गरी संशोधन गरी नियमावलीको नियम २८ लाई संशोधन गर्ने सम्बन्धी विशेष प्रस्ताव पारित गर्नेछ ।

कम्पनीको यस वर्षको वार्षिक साधारण सभा नभएसम्मका लागि वर्तमान सञ्चालक समितिलाई नै निरन्तरता दिने सम्बन्धी प्रस्ताव पेश हुनेछ ।