काठमाडौं । तेह्रथुम पावर कम्पनीले पुस २६ गते सातौं वार्षिक साधारण सभा बोलाएको छ। यद्यपि कम्पनीले लाभांश सम्बन्धी कुनै पनि प्रस्ताव समावेश गरेको छैन ।

साधारण सभामा गत आवको वार्षिक तथा लेखापरीक्षकको प्रतिवेदन, वित्तीय विवरण माथि छलफल गरी पारित गर्नुका साथै चालू आर्थिक वर्षका लागि लेखापरीक्षक नियुक्ति र पारिश्रमिक निर्धारण हुनेछ ।

साधारण सभा प्रयोजनार्थ कम्पनीले पुस १६ गतेदेखि २६ गतेसम्म बुक क्लोज गर्ने भएको छ ।पुस १५ गतेसम्म कायम शेयरधनी मात्रै साधारण सभामा उपस्थित हुन पाउनेछन् ।  कम्पनीको साधारण सभा मैतीदेवीस्थित वैभव पार्टी भेन्यूमा मध्यान्ह साढे १२ बजेदेखि शुरु हुनेछ ।