citizens life insurance long ad
stcnepal long ad
Himalayan bank
national life

अरुण तेस्रो जलविद्युत् परियोजनाको मुख्य सुरुङ मङ्गलवार छिचोलिने

Prabhu Insurance Long Ad
himalayan Everest Insurance long ad

काठमाडौं । सङ्खुवासभामा निर्माणाधीन नौ सय मेगावाट क्षमताको अरुण तेस्रो जलविद्युत् परियोजनाको मुख्य सुरुङ मङ्गलवार छिचोलिने भएको छ ।

मकालु गाउँपालिकाको आम्राङमा रहेको अडिट २ मा एक कार्यक्रमका बीच प्रधानमन्त्री पुष्पकमल दाहाल प्रचण्डले सुरुङ छिचोल्ने कार्यक्रम रहेको आयोजनाले जनाएको छ । ११ किलोमिटर आठ सय ३० मिटर लामो मुख्य सुरुङमा विस्फोट गरी छिचोलिने कार्यक्रम रहेको छ ।

आम्राङमा सुरुङ छिचोलेपछि प्रधानमन्त्री प्रचण्ड हेलिकोप्टरबाट नै चिचिला गाउँपालिका–३ मा रहेको पुखुवा दोभानको विद्युत् गृह निर्माण क्षेत्रमा आयोजित कार्यक्रममा सहभागी हुनुहुनेछ ।

अरुण तेस्रो जलविद्युत् परियोजनाको ७५ प्रतिशतभन्दा बढी भौतिक प्रगति भइसकेको आयोजनाले जनाएको छ । एक खर्ब चार अर्ब रुपैयाँ लागत अनुमान गरिएको यस परियोजनाबाट नेपाललाई २१ दशमलव नौ प्रतिशत निःशुल्क बिजुली प्राप्त हुनेछ ।

आयोजनाबाट स्थानीय प्रभावितहरूले एक अर्ब ६० करोड रुपैयाँको शेयर र प्रति महिना प्रति घर ३० युनिटसम्म बिजुली निःशुल्क प्राप्त गर्नेछन् ।

निर्माण जिम्मा पाएको भारतीय कम्पनी सतलज जलविद्युत् निगम ९एमजेभीएन० ले निर्माण सम्पन्न भएको २५ वर्षपछि परियोजना नेपाल सरकारलाई हस्तान्तरण गर्ने विद्युत् विकास सम्झौतामा छ ।

himalayan life insurance
igi long