आर्थिक सञ्जाल २०७७ जेठ ८ गते बिहीबार

काठमाडौँ । गृह मन्त्रालयले लक डाउन अवधिभर अत्यावश्यक काम बाहेक उपत्यका प्रवेशमा निषेध गर्ने निर्णय कार्यान्वयन गर्न सबै स्थानीय तहलाई भनेको छ ।

उपत्यकाका जनप्रतिनिधिको छलफलपछि गृहले यस्तो निर्णय गरी कार्यान्वयनमा ल्याउन लागेको हो । गत जेठ १ गतेको बैठकमा भएको छलफलको निर्णयलाई कार्यान्वयन गर्न भन्दै गृहले उपत्यकाका सबै स्थानीय तहलाई यस्तो अनुरोध गरेसँगै अब उपत्यका प्रवेशमा थप कडाई हुने भएको छ ।