आर्थिक सञ्जाल चैत्र २९, २०७६ शनिबार

काठमाडौं । गृह मन्त्रालयले नेपाल प्रहरीका १० जना प्रहरी वरिष्ठ उपरीक्षक ( एसएसपी)हरुको डिआईजीमा बढुवा सिफारिस भएको छ। गृह  सचिव महेश्वर न्यौपानेको अध्यक्षतामा गरेको बढुवा समितिले २८ चैत शुक्रवार साँझ नेपाल प्रहरीमा रिक्त १० डिआईजी पदमा बढुवा सिफारीस गरेको हो ।

डिआईजीमा बढुवा हुनेमा एसएपीहरु घनश्याम अर्याल,प्रकाशजंग कार्की, ईश्वर बाबु कार्की, बसन्त पन्त, सहकुल थापा, धिरज प्रताप सिंह,बसन्त लामा, उत्तम सुबेदी,रबिन्द्र धानुक र अरुण विसी रहेका छन् । नेपाल प्रहरीमा दरबन्दी समायोजन गर्न पछिल्लो मन्त्रीपरिषदको बैठकले २६ डिआईजीको दरबन्दी घटाएर १३ बनाएको थियो । त्यसपछि डिआईजी बढुवा प्रक्रिया गृह मन्त्रालयले अघि बढाएको छ । सिफारिस गरिएको १० डिआईजी १५ दिन सम्म पुनरावलोकन समितिमा उजुरी नपरेमा दर्ञानी चिन्ह लगाउने छन ।