नेपालमा थप तीन जनामा कोरोना संक्रमण
Aarthik Sanjal
1.1K
shares
आर्थिक सञ्जाल चैत्र २२, २०७६ शनिबार
काठमाडौँ । नेपालमा कोरोना भाइरसका थप तीनजना संक्रमित फेला परेका छन् । योसँगै नेपालमा कोरोना भाइरसबाट संक्रमित हुनेको संख्या ९ पुगेको छ ।
स्वास्थ्यमन्त्री भानुभक्त ढकालले आफ्नो फेसबुक पेजमा दिएको जानकारी अनुसार मुम्बइबाट फर्किएका कैलालीका २१ वर्षीय पुरूष, उत्तराखण्डबाट फर्किएका कञ्चनपुरका ४१ वर्षीय पुरूष र कैलालीको ३४ वर्षीय महिलामा कोरोना संक्रमण पुष्टि भएको हो ।
कैलालीको ३४ वर्षीय महिला यसअघि कैलालीमा संक्रमित भेटिएका पुरूषको आफन्तरहेको बताईएको छ ।
योसँगै पहिलो पटक नेपाल भित्रै अर्को व्यक्तिमा कोरोना संक्रमण भएको पनि पुष्टि भएको छ ।
