आर्थिक सञ्जाल । १ फागुन २०७६, बिहीबार काठमाडौं । प्रभु इन्सुरेन्सले आर्थिक वर्षको दोस्रो त्रैमाससम्म ५ करोड ८९ लाख ६४ हजार रुपैयाँ नाफा कमाएको छ । यो गत वर्षको भन्दा ३२.५१५ ले धेरै हो । गत वर्ष यसले ४ करोड ४४ लाख ९७ हजार रुपैयाँ नाफा कमाएको थियो । खुद बिमा शुल्क आर्जन पनि २१ करोड १३ लाख २० हजार रुपैयाँ पुगेको छ । गत वर्षको यसै त्रैमास भन्दा १.४१५ धेरै हो । गत वर्ष प्रभु इन्सुरेन्सले २० करोड ८३ लाख ६५ हजार रुपैयाँ खुद बिमा शुल्क आर्जन गरेको थियो ।
कम्पनीको बिमा कोषको आकार पनि गत वर्षको भन्दा ३०.४२५ ले बढेको छ । गत वर्ष यसै त्रैमाससम्म ४६ करोड ५१ लख ९३ हजार रुपैयाँ रहेको बिमा कोषलाई बढाएर ६० करोड ६७ लाख २० हजार रुपैयाँ पुरयाउन कम्पनी सफल भएको छ । चुक्ता पुँजी १ अर्ब ५० लाख ७६ हजार रुपैयाँ रहेको यसको जगेडा कोषमा १९ करोड २२ लाख ३ हजार रुपैयाँ छ । कम्पनीले १० करोड ४३ लाख ६६ हजार रुपैयाँ खुद दाबी भुक्तानी गरेको छ ।
यस त्रैमाससम्म कुल दाबी भुक्तानी हुन बाँकी रकम १४ करोड ६७ लाख ७२ हजार रुपैयाँ रहेको छ ।
प्रभुले महा विपत्ति जगेडा कोषमा ८ करोड ८३ लाख २१ हजार रुपैयाँ छुट्याएको छ । कम्पनीको प्रतिसेयर आम्दानी ६ रुपैयाँ र प्रतिसेयर नेटवर्थ १८८ रुपैयाँ रहेको छ ।