नेपाल प्रहरीको २८औं आईजीपीमा शैलेश थापा क्षेत्री नियुक्त
Aarthik Sanjal
1.1K
shares
काठमाडौ । नेपाल सरकारले आज नेपाल प्रहरीका वरिष्ठ एआईजी शैलेश थापा क्षत्रीलाई प्रहरीको २८ औं महानिरीक्षक बनाउने निर्णय गरेको छ ।
हालका आईजीपी ठाकुरप्रसाद ज्ञवालीले भोलि असार २४ मा अनिवार्य अवकास पाउंदैछन् । आज बालुवाटारमा बसेको मन्त्रीपरिषदको वैठकले थापा क्षत्रीलाई प्रहरी महानिरीक्षक नियुक्त गर्ने निर्णय गरेको हो ।
महानिरीक्षकको लागी एआईजीद्धय शैलेश थापा र हरिबहादुर पाल दौडमा भएपनि सरकारले वरियतामा एक नम्बरमा रहेका थापालाई नै आईजीपी बनाउने निर्णय गरेको छ ।
प्रहरी महानिरीक्षकको नियुक्तीका लागि प्रतिस्पर्धीहरुबीच यसअघि अस्वस्थ प्रतिस्पर्धा हुने गरी पनि थापा र पालले भने सरकारले विश्वास जसलाई गरेपनि मिलेर काम गर्ने सहमती गरेका थिए । २०४९ सालमा प्रहरी निरीक्षकबाट सेवा प्रवेश गरेका थापा प्रहरी निरीक्षकदेखि एआईजीपी सम्म नम्बर एक बन्ने साैभाग्य पाउँदै आएका व्यवसायीक कार्यक्षमतामा अब्बल, बौद्धिक र इमानदार छविका अधिकृतका रुपमा चिनिन्छन् ।
उनको यही छबिले गर्दा प्रहरी नेतृत्वमा पुगेका सबै आईजीपीहरुले विश्वास गर्थे धेरै आइजीपी सँग सचिवालयमा बसेर काम गरेको अनुभव पनि रहेको छ ।
थापाले प्रहरीको केन्द्रीय प्रवक्ता,महानगरीय प्रहरी प्रमुखको रुपमा यस अघि काम गरेका थिए । हाल उनि मानव स्रोत साधन तथा प्रशासन विभागको प्रमुख छन् । क्षेत्रीले सशस्त्र द्वन्द्वका बेला जिल्ला प्रहरी सल्यानको प्रमुख भएर काम गरेका थिए । त्यसपछि क्रमशः सिन्धुपाल्चोक, कास्की, धादिङ प्रमुख भए । थापा यसअघि प्रधानमन्त्री केपी शर्मा ओलीको गृह जिल्ला झापामा एसपी भएर काम समेत गरेका थिए ।
