आर्थिक सञ्जाल

काठमाडौं । पछिल्लो २४ घण्टामा कोरोना भाइरसबाट ३१४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयद्वारा आयोजित नियमित पत्रकार सम्मेलनमा दिइएको जानकारी अनुसार स्याङ्जाका एक ५८ बर्षिय पुरुषको कोरोना भाइरसको कारण मृत्यु भएको छ । मन्त्रालयका अनुसार आज थप भएको संख्यासँगै कूल संक्रमित ३७६२ पुगेको छ भने मृत्यु हुनेको संख्या १४ पुगेको छ ।

मन्त्रालयका अनुसार संक्रमितहरुमा २९४ जना पुरुष र २० जना महिला छन् । सोमबार कूल ४७६६ वटा नमुनाको पिसिआर परिक्षण गरिएकोमा सो मात्रामा कोरोना भाइरस पुष्टि भएको हो । यद्यपि यो तथ्याङ करिब एक साताअघि संकलन गरिएको नमुनाको परिक्षण गरिएको नतिजा हो । देशका विभिन्न भागमा रहेका क्वारेन्टाईन तथा अस्पतालमा संकलन गरिएको नमुनाको परिक्षणको क्रममा कोरोना भाइरस पुष्टि भएको हो ।