citizens life insurance long ad
stcnepal long ad
Himalayan bank
national life

सार्वजनिक ऋण व्यवस्थापन कार्यालयले विकास ऋणपत्र–२०८७ ‘च’ बिक्री खुला गर्ने

Prabhu Insurance Long Ad
himalayan Everest Insurance long ad

काठमाडौं । सार्वजनिक ऋण व्यवस्थापन कार्यालयले विकास ऋणपत्र–२०८७ ‘च’ बिक्री खुला गर्ने भएको छ ।

कार्यालयले ६ वर्षे अवधिको नौ अर्ब रुपियाँको ऋणपत्र बिक्री खुला गर्न लागेको हो । उक्त ऋणपत्रको बोलकबोल जेठ १३ गते बिहान १० बजेदेखि दिउँसो ३ बजेसम्म हुनेछ भने निष्कासन जेठ १४ गते हुनेछ ।

यसको सावाँ भुक्तानी २०८७ जेठ १४ हुने र ब्याज अर्धवार्षिक रूपमा हुनेछ । यद्यपि, ब्याजमा आयकर लाग्ने कार्यालयले जनाएको छ ।

यो ऋणपत्र बैंक तथा वित्तीय संस्था, गैरबैंक वित्तीय संस्था, बीमा कम्पनी, संगठित संस्थाका साथै नेपाली नागरिकले खरिद गर्न पाउनेछन् । यसको ब्याजदर भने बोलकबोल माध्यमबाट निर्धारण हुने कार्यालयले जनाएको छ ।

इच्छुक व्यक्तिले घटीमा रु पाँच लाख र बढीमा कुल निष्कासित रकमको सीमामा नबढाई रु पाँच लाखले भाग गर्दा निःशेष भाग जाने अंकबराबर खरिद गर्न सक्नेछन् ।

खरिद गर्दा आफूले खरिद गर्न चाहेको रकमको २।५० प्रतिशतले हुन आउने रकम धरौटीबापत जम्मा गर्नुपर्नेछ ।

त्यस्तै, यो बचतपत्र धितो राखी बैंक तथा वित्तीय संस्थाबाट कर्जा लिन र जुनसुकै बेला दोस्रो बजारमार्फत खरिदबिक्रीसमेत गर्न सकिने कार्यालयले जनाएको छ ।

himalayan life insurance
igi long