ललितपुर । श्री लालीगुरास सहकारी संस्थाले एटिएम सेवा शुरु गरेको छ । संस्थाले पुल्चोकस्थित मुख्य कार्यालयमा सो सेवा शुरु गरेको हो । एटिएम बुथको उद्घाटन संस्थाका अध्यक्ष अमरदास श्रेष्ठले गरेका थिए । संस्थाको २२ औ स्थापना दिवसको अवसरमा एटिएम सेवा शुरु गरेको हो।

उक्त एटिएम सेवा करिब २१ हजार शेयर सदस्यले प्रयोग गर्न सक्ने संस्थाका कार्यकारी निर्देशक सुरेन्द्र भण्डारीले जानकारी दिएका छन । कार्यकारी निर्देशक भण्डारीले निकट भविष्यमा आफ्ना अन्य सुविधा काउण्टरहरुमा समेत एटिएम बुथ स्थापना गरी सेवा दिने समेत बताए ।

संस्थाले बिहीबारबाटै आफ्नो लगानीमा स्थापना भएको श्री लालीगुँरास दुग्ध प्रशोधन उद्योगको पनि उद्घाटन गरेको छ । उद्योगको संस्थाका अध्यक्ष श्रेष्ठ र कार्यकारी अधिकृत भण्डारीले गरेका थिए ।

संस्थाले बिहीबारबाटै दुग्धजन्य पदार्थ बिक्रि गर्न शुरु गरेको छ । कार्यकारी अधिकृत भण्डारीले व्यावसायिक रुपमा दुध, दही, मोही, नौनी, ध्युको बिक्रि वितरण शुरु गरेको जानकारी दिए ।

चितवनको खैरहनीमा नेपालकै सबैभन्दा ठुलो गाई फार्म स्थापना गरेर उत्कृष्ट संस्थाको पहिचान बनाउन सफल यस सहकारीले दुग्ध उद्योग स्थापना गरेको हो ।

सो अवसरमा संस्थाका प्रमुख कार्यकारी अधिकृत भण्डारीले मुलुकको आर्थिक क्षेत्रको विकासमा संस्थाले गरेको योगदानको चर्चा गरे । भण्डारीले आगामी वर्षमा थप नयाँ कार्यक्रम र योजनाहरु अगाडी बढाउँदै लैजाने बताए ।