केन्द्रीय बैंकले लक डाउन लक्षित ‘बैंकको सेवा सञ्चालन मार्गदर्शन’ जारी गर्यो
Aarthik Sanjal
999
shares
आर्थिक सञ्जाल २०७७ जेठ ६ गते मंगलबार
काठमाडौं । केन्द्रीय बैंकले लक डाउनलाई लक्षित गरेर ‘बैंकको सेवा सञ्चालन मार्गदर्शन २०७७’ जारी गरेको छ । जस मार्फत ‘वर्क फ्रम होम’ लाई स्वीकृति प्रदान गरेको छ ।
आफ्ना कर्मचारीका लागि राष्ट्र बैंकले सोमबार मार्गदर्शन जारी गर्दै कामको प्रकृति बमोजिम कर्मचारीलाई घरबाटै कार्यालयको काम गर्न स्वीकृति प्रदान गर्ने निर्णय गरेको हो ।
घरबाट काम गर्ने स्वीकृति प्राप्त कर्मचारीहरुले निरन्तर रुपमा आफ्ना सुपरिवेक्षक तथा विभाग, कार्यालय, इकाइका प्रमुखसँग सम्पर्कमा रहनु पर्ने हुन्छ ।
कर्मचारीले आफ्नो टेलिफोन र मोबाइल तयारी अवस्थामा राख्नु पर्ने हुन्छ । इमेललाई अद्यावधिक रुपमा राखी सम्बन्धित प्रमुखसँग निरन्तर सम्पर्कमा रहनु पर्छ ।
राष्ट्र बैंकले कार्यालय तथा स्वास्थ्य सुरक्षा सम्बन्धमा पनि सावधानी अपनाउन भनेको छ । अनिवार्य रुपमा तापक्रम मापन गर्ने इन्फ्रारेड थर्मोमिटरको ब्यवस्था गर्नु पर्ने छ ।
कर्मचारी तथा सेवाग्राहीलाई कार्यालय प्रवेशमा अनिवार्य मास्क लगाउन भनिएको छ । स्यानिटाइजर, मास्कको ब्यवस्था राष्ट्र बैंक आँफैले गर्नेछ ।
लक डाउनका बेलामा बैंकिङ कार्यालय, मुद्रा ब्यवस्थापन विभाग र प्रदेशस्थित कार्यालयबाट गरिने फण्ड ट्रान्सफर, सरकारी कारोबार, चेक भुक्तानी तथा नगद जम्मा गर्ने कार्यले निरन्तरता पाउने छ ।
बैंक तथा वित्तीय संस्थाहरुबाट नगद दाखिला बुझिलिने सम्बन्धमा सुरुमा शिलबन्द बाक्सा नै बुझी केही दिनपछि मात्र गणना गरि बुझिलिने ब्यवस्था गरिएको छ ।
केन्द्रीय बैंकले बढीमा एक तिहाई कर्मचारीबाट सेवा सञ्चालन गर्नपर्ने व्यवस्था गरेको छ भने कर्मचारी विचमा न्युनतम भौतिक दूरी कायम गरी काम गर्नुपर्ने व्यवस्था छ ।
सेवाग्राहीसँग प्रत्यक्ष सम्पर्कमा रहने बैंकिङ तथा मुद्रा व्यवस्थापन सम्बन्धि काय सञ्चालन गर्दा न्युनतम भौतिक दुरी कायम गरी अनिवार्य रुपमा ग्लोभ्स र मास्क लगाई सेवा प्रदान गर्नुपर्ने छ ।
त्यसैगरी बैंक तथा वित्तीय संस्थाबाट नगद दाखिला बुझिलिदा सुरुमा शिलबन्दि बाक्सा नै बुझिलिने र केहि दिनपछि मात्र गणना गरी बुझिलिने व्यवस्था गर्नुपर्ने छ ।
नोटबाट संक्रमण फैलन नदिन प्राप्त हुने नोट गणना गर्नुअघि डिसइन्फेक्सन गराउन अनिवार्य स्प्रे गराउने व्यवस्था गरेको छ ।
