आर्थिक सञ्जाल चैत्र १६,२०७६ आइतबार

काठमाडौँ । हामी लकडाउनमा छौँ । अरू समस्याका अलावा वित्तीय कारोबारको समस्या प्रमुख कठिनाइ बनेको छ । तर, प्रभु ग्रुपले सञ्चालनमा ल्याएको ‘प्रभु पे’ भने अहिले धेरै समस्या समाधानको साझा साधन बनेको छ ।

राष्ट्र बैङ्कमा रेमिट्यान्स भुक्तानीको समस्या अत्यधिक भएको गुनासो आएको छ । तर ‘प्रभु पे’का सिइओ खुशल रेग्मी भन्छन्, “यो अवस्थालाई मध्यनजर गरेर हामीले त्यो समस्याको समाधान दिएका छौँ । विदेशबाट पठाएको रेमिट्यान्स ‘प्रभु पे’ मार्फत सिधै बैङ्क खातामा जम्मा गर्न सकिन्छ ।” उनले अगाडि थपे, “अरू यस्तै डिजिटल वालेट र पेमेन्ट गेट वे प्रयोग गर्दा ग्राहकले अतिरिक्त शुल्क तिर्नुपर्ने हुन्छ । तर ‘प्रभु पे’ ले भने बिना शुल्क यी सुविधा ग्राहकलाई दिएको छ ।

हुन पनि ‘प्रभु पे’ नामक डिजिटल वालेटलाई सुविधै सुविधाको पुञ्ज भन्दा समेत फरक नपर्ने देखिन्छ । अहिलेको विषम परिस्थितिमा यो यति सहयोगी छ की उक्त वालेटबाट घरमै बसी बसी सबै प्रकारका भुक्तानीहरू गर्न मिल्छ ।

सामान्य सेवाहरू जस्तै मोबाइलको रिचार्ज गर्ने देखि खानेपानी, बिजुली बत्ती, इन्टरनेट, टिभीहरुका बिलहरु घरमै बसेर यो वालेट मार्फत सजिलै भुक्तानी गर्न सकिन्छ ।

यसमा उल्लेखनीय कुरा यो पनि छ की अन्य वालेटहरुको जस्तो यी सेवा प्रयोग गर्दा कुनै शुल्क लाग्दैन । सिइओ रेग्मीका अनुसार प्रभु ग्रुपले सेवाग्राहीको हितलाई ध्यानमा राख्दै सबै सेवा निःशुल्क प्रयोग गर्न दिएको हो ।

रेग्मी भन्छन्, “हुन त सबै वालेटमा हुने फिचर उस्तै उस्तै हुन् । तर हाम्रो विशेषता के हो भने हामी रेमिट्यान्सलाई समेत सिधै वालेटमा राख्न सक्छौँ र आवश्यकता अनुसार त्यहीँबाट बैङ्क खातामा पठाउने सुविधा समेत दिएका छौँ ।” अहिले सबै बैंकहरु बन्द छन् । रेमिट्यान्स भुक्तानी गर्ने काउन्टरहरू कहिले खुल्ने हुन् थाहा छैन ।

त्यसैले घर खर्च चलाउन विदेशमा रहेका आफन्तजनले पठाएको रेमिट्यान्सले दिएको कोड नम्बर बोकेर भौँतारिनु पर्ने बाध्यताबाट ‘प्रभु पे’ले मुक्त पारेको छ ।

त्यसै पनि कोरोना संक्रमणको जोखिमलाई हेरेर अहिले नगद कारोबार गर्न उपयुक्त हुँदैन । नोटहरु मार्फत समेत कोरोना भाइरस फैलने विभिन्न अध्यायनहरुले देखाएको अवस्थामा डिजिटल वालेटको प्रयोग सुरक्षित र भरपर्दो समेत हुनेमा सिइओ रेग्मीले जोड दिएका छन् । ‘प्रभु पे’ मार्फत बैङ्क खाता नहुनेहरुले यदि आफ्नो कारोबार कुनै सहकारीमा रहेका भए त्यसमा समेत रकम स्थानान्तरण गर्न सकिने रेग्मीको भनाइ छ ।