काठमाडौं । नेपाल सरकारले कोभिड – १९ को दोस्रो लहरको प्रकोप नियन्त्रणका लगि उपत्यका लगायत देशका अन्य ठाँउहरुमा समेत निषेधाज्ञा जारी गरेको परिप्रेक्षमा कोभिड–१९ को प्रभाबवाट बच्न तथा जोखिमहरु न्यूनिकरणका लागि डिजिटल बैंकिङ्ग कारोबार गर्दा नेपाल बैंकर्स संघले अनुरोध गरेको छ ।

सम्भब भएसम्म नोट कारोबारको सट्टा डिजिटल बैंकिङ्ग सेवाको अझ बढी प्रयोग गर्न संघले अनुरोध गरेको हो । अत्यावश्यक अवस्थामा बाहेक बैंकको शाखामा नआई भिडभाड कम गर्नका निमित्त सहयोग गरिदिन समेत संघले ग्राहकहरुलाई अनुरोध गरेको छ ।

निषेधाज्ञामा पनि बैंकका शाखा तथा उपशाखाहरु खुल्ला नै रहने भएकोले इन्टरनेट/मोबाइल बैंकिङ्ग सेवा लिएका ग्राहकहरुले आफ्नो पासवर्ड बिर्सिएमा वा अन्य कुनै प्राबिधिक समस्या भएमा आफ्नो सम्बन्धित शाखामा फोन मार्फत् सम्पर्क गरेर समस्या समाधान गर्न सक्ने छन् ।