२०७६ माघ २७ काठमाडौं । लुम्बिनी विकास बैंक लिमिटेडले चालु आर्थिक वर्ष २०७६÷०७७ को दोस्रो त्रैमासको वित्तीय विवरण सार्वजनिक गरेको छ । उक्त विवरण अनुसार बैंकले दोस्रो त्रैमाससम्म आइपुग्दा २५ करोड २१ लाख रुपैयाँ रुपैयाँ खुद नाफा आर्जन गर्न सफल भएको छ ।
उक्त नाफा रकम गत आर्थिक वर्षको तुलनामा ०.७० प्रतिशत धेरै हो । गत वर्ष बैंकले २५ करोड ३ लाख ९४ हजार रुपैयाँ खुद नाफा आर्जन गरेको थियो ।
त्यसैगरी, दोस्रो त्रैमाससम्म आइपुग्दा बैंकले ५८ करोड ४८ लाख रुपैयाँ खुद व्याज आम्दानी गर्न सफल भएको छ । उक्त व्याज आम्दानी गत वर्षको तुलनामा १६.५८ प्रतिशत धेरै हो ।
यस्तै, बैंकको प्रतिशेयर आम्दानी १८ रुपैयाँ ५७ पैसा रहेको छ । त्यसैगरी, बैंकको प्रतिशेयर नेटवर्थ १५० रुपैयाँ ६५ पैसा रहेको छ ।
यसैगरी, पुस मसान्तसम्ममा बैंकले सञ्चालन पनि बढाएर ३६ करोड १६ लाख रुपैयाँ पुर्याएको छ ।

२७ माघ २०७६, सोमवार १४:२६ बजे प्रकाशित