citizens life insurance long ad
stcnepal long ad
Himalayan bank
national life

नेपाल एसबिआई बैंकको नाफा घट्यो

Prabhu Insurance Long Ad
himalayan Everest Insurance long ad

काठमाडौं । नेपाल एसबिआई बैंक लिमिटेडले चालु चालु आर्थिक वर्षको दोस्रो त्रैमासको वित्तीय विवरण प्रकाशन गरेको छ । बैंकले चालु आर्थिक वर्षको पुससम्ममा एक अर्ब ७ लाख ५१ हजार रुपैयाँ खुद नाफा गरेको छ । गत आर्थिक वर्षको पुससम्ममा बैंकले एक अर्ब २ करोड २७ लाख ९० हजार रुपैयाँ खुद नाफा गरेको थियो ।

चालु आर्थिक वर्षको पुससम्ममा बैंकले २ अर्ब १० करोड १७ लाख रुपैयाँ खुद ब्याज आम्दानी गरेको छ। यो ब्याज आम्दानी गत आवको सोहि अवधिको तुलनामा करिब साढे ८ करोडले थोरै हो । गत आवको सोहि अवधिमा बैंकले २ अर्ब १८ करोड ८३ लाख रुपैयाँ खुद ब्याज आम्दानी गरेको थियो ।

चालु आर्थिक वर्षको पुस मसान्तसम्ममा बैंकले १ खर्ब ४ अर्ब ६४ करोड निक्षेप सङ्कलन गरी ९४ अर्ब २३ करोड रुपैयाँ कर्जा लगानी गरेको छ । बैंकको सञ्चालन नाफा पनि १ करोड ५४ लाख रुपैयाँ घटेर १ अर्ब ४१ करोड ३४ लाखमा झरेको छ ।

८ अर्ब ४४ करोड ९२ लाख रुपैयाँ चुक्ता पूँजी रहेको बैंकको जगेडा कोषको आकार ३ अर्ब ८५ करोड १४ लाखबाट बढेर ४ अर्ब १० करोड ५१ लाख रुपैयाँ संचिती रहेको छ । पुस मसान्तसम्ममा ७३ करोड ६६ लाख ५५ हजार रुपैयाँ रुपैयाँ वितरण योग्य मुनाफा कमाएको छ ।

बैंकको प्रतिशेयर आम्दानी ५२ पैसा घटेर २३ रुपैयाँ ६९ पैसा कायम भएको छ। कायम हुँदा प्रतिशेयर नेटवर्थ १६८ रपैयाँ ४० पैसा छ ।

himalayan life insurance
igi long