काठमाडौँ । बैङ्किङ क्षेत्रका कर्मचारीले २०८२ सालमा ४७ दिन बिदा पाउने भएका छन् । नेपाल राष्ट्र बैङ्कले सार्वजनिक गरेको २०८२ सालको सार्वजनिक बिदा सम्बन्धी तालिका अनुसार यस्तो अवस्था देखिएको हो । राष्ट्र बैङ्कले सार्वजनिक गरेको बिदाको सूची अनुसार बैङ्कहरूले बिदा दिने गर्दै आएका छन् ।

कुल बिदामध्ये ३२ दिनको बिदा तोकिएको छ । बाँकी ५ दिनको बिदा सरकारले तोकेको दिनमा हुनेगरी व्यवस्था गरिएको छ । मत्स्येन्द्रनाथको भोटो देखाउने जात्रा, इद उल फित्र, बकर इद, सुरुवा पावनी, मोहम्मद जयन्ती र गुरु नानक जयन्तीको दिन तोकिएको छैन ।

यो वर्ष दसैँमा ६ दिन र तिहारमा ५ दिन बिदा तोकिएको छ । यद्यपि तोकिएका सबै दिन सबै व्यक्तिले बिदा पाउने छैनन् । १२ वटा पर्व सम्बन्धित क्षेत्र, जाती वा सम्प्रदायका व्यक्तिले मात्रै पाउने व्यवस्था गरिएको छ ।