काठमाडौं । नबिल बैंकको  ४०औं वार्षिक साधारण सभा मंसिर २७ गते गर्ने भएको छ । मंसिर २ गते बसेको बैंक सञ्चालक समितिको बैठकले मंसिर २७ गते साधारण सभाको मिति तोकेको हो ।

बैठकले साधारण सभा प्रयोजनार्थ मंसिर १० गते बुक क्लोज गर्ने निर्णय गरेको छ । बुक क्लोजको आधारमा मंसिर ९ गतेसम्म कायम शेयरधनीले साधारण सभामा भाग लिन र लाभांश पाउन योग्य हुने बैंकले जनाएको छ ।

सोही साधारण सभाले बैंकले गत आवको मुनाफाबाट १० प्रतिशत नगद लाभांश वितरण गर्ने प्रस्ताव पारित गर्नेछ ।