काठमाडौं । कुमारी बैंकले २३ औँ वार्षिक साधारणसभा डाकेको छ। बैंक सञ्चालक समितिको बैठक वार्षिक साधारणसभा माघ २८ गते आयोजना गर्ने निर्णय गरेको हो।

साधारणसभाले आर्थिक वर्ष २०७९/८० को वार्षिक प्रतिवेदनका साथै वार्षिक आर्थिक वित्तीय विवरण स्वीकृत गर्नेछ।

साधारणसभाले बैंकको सहायक कम्पनी कुमारी क्यापिटल र केबीएल सेक्युरिटिजको आर्थिक वर्ष २०७९/८० को वित्तीय विवरणसहितको एकीकृत वित्तीय विवरण छलफल गरी अनुमोदन गर्नेछ।

बैंक सञ्चालक समितिमा प्रतिनिधित्व गर्ने संस्थापक समूहबाट ३ जना र सर्वसाधारण समूहबाट ३ जना गरी ६ जना सञ्चालकको निर्वाचन सभाले गर्नेछ। वार्षिक साधारणसभामा बैंकले लाभांश सम्बन्धी कुनै पनि प्रस्ताव पेस गर्ने छैन।

वार्षिक साधारणसभा प्रयोजनार्थ बैंकले माघ ९ गते बुक क्लोज गर्ने निर्णय गरेको छ। यसको माघ ९ गतेभन्दा अघिसम्म कायम शेयरधनीहरु यो बैंकको वार्षिक साधारणसभामा सहभागी हुन पाउनेछन्। साधारणसभा काठमाडौंको टुँडिखेलस्थित त्रिभुवन आर्मी अफिसर्स क्लबमा बिहान ११ बजेबाट सुरु हुनेछ।