काठमाडौं । नेपाल राष्ट्र बैंकका गभर्नर महाप्रसाद अधिकारीले एक वर्षमा करिब ७० लाख रुपैयाँ तलबभत्ता बुझेका छन् । नेपाल राष्ट्रको तथ्यांकअनुसार उनले गत आर्थिक वर्षमा तलबभत्ता बापत ६० लाख ९१ हजार ३३५ रुपैयाँ बुझेका हुन् ।

गत आर्थिक वर्षमा अधिकारीले १६ लाख ३२ हजार तलब, ४ लाख १४ हजार बैठक भत्ता र अन्य सेवा सुविधा वापत ४० लाख ४५ हजार ३३५ रुपैयाँ लिएका छन् ।

आर्थिक वर्ष २०७८÷७९ मा उनले १४ लाख १८ हजार तलब, ३ लाख ५ हजार बैठक भत्ता र अन्य सेवा सुविधा वापत ३१ लाख ८१ हजार ८५५ रुपैयाँ गरी कुल ४९ लाख ५ हजार २५५ रुपैयाँ बुझेका थिए । तथ्यांकअनुसार गभर्नरको तलबभत्ता एक वर्षमा २४।१७ प्रतिशतले बढेको छ ।

त्यस्तै डेपुटी गभर्नर डा। निलम ढुंगाना तिम्सिनाले गत आर्थिक वर्षमा तलब १४ लाख ६० हजार ४०० रुपैयाँ, बैठक भत्ता ३ लाख ४२ हजार र अन्य सुविधा बापत ३८ लाख ९९ हजार ९६१ रुपैयाँ गरी कुल ५७ लाख २ हजार ३६१ रुपैयाँ लिएकी छन् ।

अर्का डेपुटी गभर्नर बमबहादुर मिश्रले गत आर्थिक वर्षमा तलब १४ लाख ६० हजार ४००, बैठक भत्ता ३ लाख ७८ हजार र अन्य सुविधा ३४ लाख ६१ हजार ८२९ रुपैयाँ सहित ५३ लाख २२९ रुपैयाँ तलब तथा सुविधा लिएका छन् ।