काठमाडौं । नेपाल राष्ट्र बैंकले विद्युतीय गाडीमा कडाई गरेको छ । केन्द्रिय बैंकले चालु आर्थिक वर्षको मौद्रिक नीतिको अर्धवार्षिक समिक्षा गर्दै विद्युतीय गाडीको कर्जा सीमा घटाएको हो ।

यसअघि विद्युत गाडीमा ८० प्रतिशतसम्म कर्जा पाइने व्यवस्था थियो । तर, केन्द्रिय बैंकले विद्युतीय गाडीको कर्जा मूल्याङ्कन अनुपात घटाएर ६० प्रतिशत कायम गरेको छ ।

यद्यपि, विद्युतीय गाडीको कर्जा मूल्याङ्कन अनुपात घटाएता पनि आईसीई इन्जिन अर्थात् पेट्रोल–डिजेल लाग्ने गाडीको भने बढाएको छ ।

आइसीई इन्जिन गाडीमा अब ६० प्रतिशत पाइनेछ । जबकि, यसअघि ५० प्रतिशत कर्जा पाइने व्यवस्था रहेको थियो ।

मौद्रिक नीतिको समिक्षा मार्फत भनिएको छ,‘व्यक्तिगत सवारी साधन र सबै प्रकारका विद्युतीय सवारी साधनको ऋण मल्य अनुपातको सीमालाई ६० प्रतिशत कायम गरिनेछ ।’