केटिएमले भारतमा ३९० एडभेन्चरको २०२५ संस्करण लन्च गरेको छ । स्ट्यान्डर्ड र एक्स गरी कुल दूई भेरिएन्टमा उपलब्ध यसको मूल्य क्रमशः ३ लाख ६७ हजार ६९९ र २ लाख ९१ हजार १४० भारु निर्धारण गरिएको छ ।

नयाँ केटिएम ३९० एड्भेन्चरमा केटीएमको सिग्नेचर यू आकारको एलईडी डिआरएल, अग्लो विन्डशिल्ड र अगाडि बढेको फेन्डर सहितको डुअल एलईडी हेडल्याम्प छ । यसमा फ्ल्याट सिट, नकल गार्ड, इन्जिन ब्यास प्लेट र अन्डरबेली एक्जस्ट लागायत फिचर राखिएएको छ ।

बाइकमा २०० एमएम ट्राभल र रियरमा २०५ एमएम ट्राभल प्रदान गर्ने मोनो–शकको साथ एडजस्टेबल डब्लुपी एपेक्स यूएसडी फ्रन्ट फोर्क जडान गरिएको छ । यसमा अगाडि २१ इन्च रिम र रियरमा १७ इन्चको वायरस्पोक ह्वीलहरू छन् ।

सिट ८३० एमएमको उचाइमा सेट गरिएको छ र ग्राउन्ड क्लियरेन्स २२७ एमएम छ । अगाडि ३२० एमएम डिस्क र पछाडि २४० एमएम डिस्क ब्रेकद्वारा ह्यान्डल गरिएको छ ।

नयाँ ३९० एडभेन्चरमा ३९९ सीसी, सिंगल–सिलिन्डर, लिक्वड–कुल्ड इन्जिन छ, जसले ४५।३ बीएचपी र ३९ एनएम उत्पादन गर्छ । इन्जिनलाई स्लिपर क्लच र बाई–डाइरेक्सनल क्विक सिफ्टर मार्फत ६–स्पीड गियरबक्समा जोडिएको छ ।

३९० एडभेन्चरमा ब्लुटुथ कनेक्टिभिटी सहितको ५ इन्चको डिजिटल इन्स्ट्रुमेन्ट कन्सोल, क्रुज कन्ट्रोल, स्वीच गर्न मिल्ने कर्नरिङ ट्र्याक्सन कन्ट्रोल, कर्नरिङ एबीएस, अफ–रोड एबीएस जस्ता विशेषताहरू छन् । बाइकमा स्ट्रिट, रेन र अफ–रोड गरी कुल तीनवटा राइडिङ मोड पाउन सकिन्छ ।