काठमाडौं । नयाँवर्ष २०२५ को अवसर पारेर नेपालका लागि दिपल ईभीको आधिकारिक विक्रेता एमएडब्लु वृद्धि अटोकर्पले बजारमै सबैभन्दा कम ४.९९ प्रतिशत निश्चित ब्याजदरमै दिपलका ईभी खरिद गर्न सकिने योजना सार्वजनिक गरेको छ ।

‘न्यु इयर, न्यु दिपल’ योजनामार्फत अब इभी प्रेमीले हाल नेपालकै सबैभन्दा बढी रुचाइएको फ्युचरिस्टिक ईभी दिपललाई निकै कम ब्याजदरमा सहज रुपमा आफ्नो बनाउन सक्ने जनाइएको छ ।

नेपाल इन्भेस्टमेन्ट मेगा बैंकसँग सहकार्यमा बनाइएको यो विशेष योजनाले प्रिमियम विद्युतीय कार खरिद गर्ने ग्राहकको चाहनालाई सहज बनाउने अपेक्षा एमएडब्लु वृद्धिले गरेको छ ।

यो योजनामा ग्राहकले ४.९९ प्रतिशत निश्चित ब्याजदरमात्र होइन, निशुल्क एसेसोरिज, निशुल्क रोड ट्याक्स, निशुल्क अटो प्लस इन्स्योरेन्सका साथै उत्कृष्ट रिकन्डिसन हाउसहरु मार्फत आफ्नो पुरानो गाडीको सर्वोत्कृष्ट एक्सचेन्ज भ्यालु पनि पाउनेछन् ।

सन् २०२४ मा नेपालमा दिपल ईभीले चुमेको सफलतालाई मनाउन ‘न्यु इयर, न्यु दिपल’ योजना अघि सारिएको हो ।

कम्पनीका अनुसार दिपल एस ०७ र दिपलएल ०७ मा १५ भन्दा बढी ‘फस्ट टाइम इन नेपाल’ फिचर छन्, जसले यी ईभीलाई बजारकै सबैभन्दा बढी रुचाइएको इभी बनाएको छ ।

यसमा सन फ्लावर टच स्क्रिन, अग्मेन्टेड रियालिटी हेड–अप–डिस्प्ले, जेस्चर कन्ट्रोल जस्ता हालसम्म कुनै पनि कारमा नभएका फिचरहरु छन् ।

क्रान्तिकारी डिजाइन र अत्याधुनिक प्रविधिका कारण चर्चित दिपल ईभीले छोटो समयमै नेपालमा सात सय युनिटभन्दा बढी बिक्री पाइसकेको कम्पनी दाबी छ ।